Gedigte

Londen

Google+ Pinterest LinkedIn Tumblr

Die plek waar bloubloed nog regeer
waar kerke nog toeriste trek
en ‘n sambreel jou vergesel
waar ondergrondsetreine jou karwei
en mense suur lyk
dis Londen,
plek van Big Ben
en die Teems

Pas geland uit Afrika
met nuwe paspoort in die hand
klim ons op ‘n trein na Londen stad

Verkyk my aan die paleis, Oog van Londen
Vergryp my aan Starbucks
en tel my engelse ponde vir geskenke uit die vreemde

Die reën verbaas my
geen wonder die mense lyk so grys en suur

My eerste proe
van ‘n vasteland oorkant die see

Johannesburgse blogger en vryskutskrywer met 3 katte, 2 kinders en ‘n Ier wat nie weet wat dit is om stil te sit nie. Die familie is vol swerflus, groot planne en baie drome.

Skryf jou opmerking