Moederstad,
raas met jou kind
waarop die meeue sweef
en jou besoekers steier.

Is jou kind dan siek,
toegewoel in ‘n wit kombers?
Al daardie medisyne,
troos dit darem?

Jou badwater is sout
en jy’t te veel speelgoed daarin.

en die kasarm van ‘n kasteel,
dra jy dit met trots –
maar is dit nie swaar?

Author

Johannesburgse blogger en vryskutskrywer met 3 katte, 2 kinders en ‘n Ier wat nie weet wat dit is om stil te sit nie. Die familie is vol swerflus, groot planne en baie drome.

Skryf jou opmerking